Дәрілік заттарды тіркеу тәртібіне өзгерістер енгізілді
Қазақстанда дәрілік заттар мен медициналық бұйымдарды мемлекеттік тіркеу процесіне қатысты жаңа толықтырулар бекітілді,- деп хабарлайды Opennews.kz ақпарат агенттігі.
Денсаулық сақтау министрлігі мен Жасанды интеллект және цифрлық даму министрінің бірлескен бұйрығымен «бір терезе» қағидаты бойынша жүзеге асырылатын пилоттық жобаның тәртібі жаңартылды.
Ережелерге енгізілген толықтыруларға сәйкес, мемлекеттік сараптама ұйымы уәкілетті органның сұрауы бойынша өндірушілердің дәрілік заттардың саудалық атауына арналған шекті бағаларының жобаларын жолдайды. Құжатқа көтерме және бөлшек саудаға арналған үстемеақылар да енгізіледі. Сонымен қатар дәрілік заттардың саудалық және халықаралық патенттелмеген атауларына арналған шекті бағалар жобалары кепілдендірілген тегін медициналық көмек (ТМККК) және МӘМС жүйесі аясында бекіту үшін ұсынылады.
Уәкілетті орган осы жобаларды қарап, өндірушінің шекті бағаларын, көтерме және бөлшек үстемеақыларды, сондай-ақ ТМККК және МӘМС шеңберіндегі дәрілік заттардың шекті бағаларын бекітеді.
Медициналық мақсаттағы бұйымдарға қатысты да жаңа талаптар енгізілді. Енді мемлекеттік сараптама ұйымы уәкілетті органның сұрауы бойынша бұйымдардың саудалық атауы мен техникалық сипаттамасына арналған шекті бағалар жобаларын жолдайды. Бұл бағалар да ТМККК және МӘМС аясында бекітіледі. Жаңартылған бұйрық 2025 жылғы 24 қарашадан бастап күшіне енді.
