“Бізде су жоқ”: тұрғындар жаппай Джеки Чанға шағым жолдады
Өңір тұрғындарының бір бөлігі бұл мүмкіндікті пайдаланып, актердің парақшасына пікір қалдырып, Ақтаудағы көп жылдан бері шешілмей келе жатқан ауызсу мәселесіне назар аударуды сұраған,- деп хабарлайды Opennews.kz ақпараттық агенттігі.
Тұрғындар жазбаларында қалада әр жаз сайын ауызсу тапшылығы қайталанатынын айтып, биліктің бұл түйткілді әлі күнге дейін толық шеше алмай отырғанына шағымданған.
Ал өңір тұрғындары өзара талқылауда облыс әкімінің өткен жылы берген уәдесін де еске салған. Мәселеге қатысты Су ресурстары және ирригация басқармасы басшысының орынбасары Ануар Туляков өңірде ауызсу қоры жеткілікті екенін, алайда негізгі қиындық тозығы жеткен су құбырларында екенін айтқан.
«Қазір су құбырлары әбден тозған. Жоспарға сәйкес бірінші шағынауданнан бастап алтыншы шағынауданға дейінгі су және кәріз желілерін толық ауыстырдық. Бұл жұмыстар әлі де жалғасып жатыр», – деді ол.
Жауапты мамандардың мәліметінше, Ақтау қаласын толық әрі тұрақты ауызсумен қамтамасыз ету үшін шамамен тағы 3 жыл қажет. Себебі қаладағы су құбырларының жалпы ұзындығы 500 шақырымға жуық, олардың басым бөлігі ескірген. Желілерді кезең-кезеңімен жаңарту үшін қомақты қаржы мен уақыт керек.
