Қаз
Рус
Шымкент қайтадан "қызыл" аймаққа кірді
284
Елімізде коронавирус бойынша эпидемиологиялық жағдайды бақылау матрицасы жаңартылды. Оған сәйкес, Шымкент "сары" аймақтан "қызыл" аймаққа өтті.
Сонымен қатар, өткен тәулікте Павлодар облысы "жасыл" аймақтан "сары" аймаққа өткен.
Қазіргі уақытта графикке сәйкес өңірлер аймақтарға келесідей бөлінді:
"Қызыл" аймақта: Нұр-Сұлтан, Алматы, Шымкент қалалары және Атырау, Батыс Қазақстан, Қарағанды облыстары.
"Сары" аймақта: Ақмола, Ақтөбе, Қостанай және Маңғыстау, Павлодар облыстары.
"Жасыл" аймақта: Алматы, Жамбыл, Қызылорда, Солтүстік Қазақстан, Түркістан және Шығыс Қазақстан өңірлері.
Жалпы Қазақстан СOVID-19-дың таралу жылдамдығы бойынша "қызыл" аймақта тұр.
