Қызылордада медбикені ұрған әйел сотталды
2 545
Қызылорда қаласының №2 соты жергілікті тұрғын әйелге қатысты қылмыстық істі қарады,- деп хабарлайды Opennews.kz ақпараттық агенттігі.
Іс материалдарына сәйкес, айыпталушы дәрігердің қабылдауына кезексіз кірген. Оған ескерту жасалған соң, әйел мен медицина қызметкері арасында жанжал болған.
Жанжал барысында әйел медбикенің жағасынан ұстап, қол жұмсап, денсаулығына жеңіл зиян келтірген. Оқиға амбулатория қызметкерлері мен куәгерлердің наразылығын туғызған.
Сот шешімімен айыпталушы ҚР ҚК-нің 108-1-бабы 2-бөлігі 2-тармағы бойынша кінәлі деп танылды.
