Қызылордада дронның көмегімен жаяу жүргіншілерге айыппұл салынды

Қызылорда қаласында дронның көмегімен жаяу жүргіншілерге айыппұл салына бастады,- деп хабарлайды Opennews.kz ақпарат агенттігі Sputnik.kz сайтына сілтеме жасап.

Облыстық полиция департаменті таратқан ақпаратқа сәйкес, тәртіп сақшылары қалада құқықбұзушылықтарды анықтау мақсатында дрондарды кеңінен қолдануға кіріскен. Заманауи техниканың көмегімен жол қозғалысы ережелерін бұзу, жаяу жүргіншілердің белгіленбеген жерден жолды кесіп өтуі, сондай-ақ өзге де құқықбұзушылықтар анықталып, тиісті заң аясында шаралар қабылданған. 

Рұқсат етілмеген жерден жолды кесіп өткені үшін 2 АЕК (8 650 теңге) көлемінде айыппұл қарастырылған. Осы құқық бұзушылық бір жылдың ішінде қайталанса, айыппұлдың мөлшері 10 АЕК-ке (43 250 теңгеге) дейін артады.