ҚАРМАҚШЫ АУДАНЫНЫҢ ЭКОНОМИКАЛЫҚ ДАМУ БАҒЫТТАРЫ ТАЛҚЫЛАНДЫ
ҚАРМАҚШЫ АУДАНЫНЫҢ ЭКОНОМИКАЛЫҚ ДАМУ БАҒЫТТАРЫ ТАЛҚЫЛАНДЫ
Аудан әкімі Жандос Еркінбектің қатысуымен өткен мәжілісте ауданның әлеуметтік-экономикалық дамуы, негізгі салалардағы атқарылып жатқан жұмыстар мен алдағы кезеңге жоспарланған міндеттер кеңінен қаралды.
Жиынға аудан әкімінің орынбасарлары, дербес бөлім басшылары және тиісті сала жетекшілері қатысты. Мәжілістің негізгі мақсаты – аудан экономикасының даму көрсеткіштерін саралап, салалардағы өзекті мәселелер мен алдағы міндеттерді айқындау болды.
Мәжіліс барысында аудандық экономика және қаржы бөлімінің басшысы Жанар Ниматулла ауданның әлеуметтік-экономикалық даму көрсеткіштері, бюджеттің орындалу барысы және қаржы саласындағы атқарылған жұмыстар жөнінде жан-жақты баяндама жасады.
Баяндамашының айтуынша, аудан экономикасында бірқатар негізгі көрсеткіштер бойынша оң динамика қалыптасқан. Бюджет түсімдерінің орындалуы, мемлекеттік бағдарламалардың жүзеге асырылуы және әлеуметтік салаларға бөлінген қаржының тиімді игерілуі бағытында жүйелі жұмыстар жүргізілуде.
Сонымен қатар, аудан көлемінде жүзеге асырылып жатқан инфрақұрылымдық жобалар мен әлеуметтік маңызы бар
бастамалар да аудан экономикасының тұрақты дамуына оң әсерін тигізіп отырғаны айтылды.
Жиында ауыл шаруашылығы мен жер қатынастары бөлімінің басшысы Әсет Омаров салада атқарылып жатқан жұмыстарға тоқталып, аграрлық сектордың даму көрсеткіштері жөнінде баяндады.
Оның айтуынша, аудан көлемінде егін шаруашылығын дамыту, мал басын көбейту, су үнемдеу технологияларын енгізу және шаруаларды мемлекеттік қолдау бағытында нақты жұмыстар атқарылуда. Сонымен қатар, ауыл шаруашылығы саласына инвестиция тарту және жерді тиімді пайдалану мәселелері де назарда екені атап өтілді.
Аудан экономикасының негізгі тіректерінің бірі саналатын аграрлық салада мемлекеттік бағдарламалар аясында бірқатар жобалар жүзеге асырылып, шаруашылық құрылымдарына қолдау көрсетілуде. Бұл өз кезегінде ауыл тұрғындарының әл-ауқатын арттыруға және жаңа жұмыс орындарының ашылуына мүмкіндік беруде.
Мәжілісте кәсіпкерлік және өнеркәсіп бөлімінің басшысы Рауан Әбдіқасов ауданның кәсіпкерлік саласындағы даму көрсеткіштері мен өнеркәсіп саласында атқарылып жатқан жұмыстар туралы баяндама жасады.
Баяндамашы аудан көлемінде шағын және орта бизнесті дамыту бағытында мемлекеттік бағдарламалар аясында жүйелі жұмыстар жүргізіліп жатқанын атап өтті. Сонымен қатар, кәсіпкерлерге қолдау көрсету, инвестициялық жобаларды жүзеге асыру және өндіріс көлемін ұлғайту бағытындағы жұмыстардың нәтижелері таныстырылды.
Кәсіпкерлік саласының дамуы аудан экономикасының өсуіне оң ықпал етіп отырғаны айтылды. Бүгінде аудан көлемінде кәсіпкерлік нысандарының саны артып, халықты жұмыспен қамту көрсеткіштері жақсарып келеді.
Жиын барысында аудан әкімі Жандос Еркінбек әр сала бойынша атқарылып жатқан жұмыстарға тоқталып, негізгі
міндеттердің сапалы әрі уақытылы орындалуы маңызды екенін атап өтті.
– Әрбір саладағы жұмыс нақты нәтижеге бағытталуы тиіс. Экономиканың тұрақты дамуы – халықтың тұрмыс сапасын арттырудың басты кепілі. Сондықтан барлық бағыттағы жұмыстарды үйлестіріп, белгіленген көрсеткіштердің орындалуын тұрақты бақылауда ұстау қажет, – деді аудан басшысы.
Сонымен қатар, аудан әкімі жауапты салаға жетекшілік ететін орынбасары Шыңғыс Сыдықовқа барлық бағыттағы жұмыстарды жүйелі түрде үйлестіруді және негізгі салалардың тиімділігін арттыру бағытындағы жұмыстарды күшейтуді тапсырды.
Жиында мемлекеттік бағдарламалардың орындалу барысы, инвестиция тарту, жаңа жұмыс орындарын ашу, кәсіпкерлікті қолдау және ауыл шаруашылығы саласын дамыту мәселелері де кеңінен талқыланды. Жауапты бөлім басшыларына нақты тапсырмалар беріліп, жұмыстарды бақылауда ұстау міндеттелді.
Аудан басшысы барлық сала жетекшілеріне халықпен кері байланысты күшейтіп, тұрғындардың ұсыныс-пікірлеріне жедел назар аудару қажеттігін де атап өтті. Сонымен қатар, бюджет қаражатының тиімді әрі мақсатты игерілуі басты назарда болуы тиіс екені ескертілді.
Бүгінде Қармақшы ауданында әлеуметтік-экономикалық дамуды қамтамасыз ету, халықтың әл-ауқатын арттыру және инвестициялық ахуалды жақсарту бағытында жүйелі жұмыстар жүргізілуде. Алдағы уақытта да аудан экономикасын дамытуға бағытталған ауқымды жобалар кезең-кезеңімен жүзеге асырылатын болады.
Тұрақты даму – сапалы жұмыс пен ортақ жауапкершіліктің нәтижесі.
@Қармақшы ауданы әкімінің баспасөз қызметі
