ЖАЛАҒАШ АУДАНЫНДА КЕҢ КӨЛЕМДІ СЕНБІЛІК ЖҰМЫСТАРЫ ЖҮРГІЗІЛУДЕ
«Таза Қазақстан» экологиялық акциясы аясында ауданда кең көлемді сенбілік және санитарлық тазалық жұмыстары қарқынды жүргізілуде.
Аталған акция аудан тұрғындарын ортақ іске жұмылдырып, туған жердің тазалығы мен көркеюіне бағытталған маңызды экологиялық бастамалардың біріне айналды. Бүгінде аудан аумағында қоршаған ортаны қорғау, санитарлық тазалықты сақтау, көгалдандыру және абаттандыру бағытындағы жұмыстар жүйелі түрде жүзеге асырылып келеді. Сенбілік барысында ауданның барлық елді мекендерінде тазалық жұмыстары ұйымдастырылып, көшелер мен тротуарлар, қоғамдық орындар, саябақтар, балалар ойын алаңдары, аяқсу арналары мен арық-атыз жүйелері қоқыстан тазартылды. Сонымен қатар, жол жиегінде өскен арамшөптер шабылып, ирригациялық жүйелер ретке келтірілді. Ағаштар әктеліп, көше бойындағы орындықтар, қоршаулар мен аялдамалар сырланды. Ғимараттардың қасбеттері жаңартылып, жол белгілері мен жол сызықтары қайта боялып, аудан келбетінің көркеюіне ерекше көңіл бөлінуде. Тазалық жұмыстарына мемлекеттік мекеме қызметкерлері, коммуналдық сала мамандары, жастар ұйымдары, еріктілер, кәсіпкерлер мен аудан тұрғындары белсене атсалысты. Ортақ іске жұмылған тұрғындардың ұйымшылдығы мен туған жерге деген жанашырлығы ауданның санитарлық тазалығын сақтауға үлкен үлес қосуда. Әсіресе жастардың экологиялық мәдениетті қалыптастыруға бағытталған бастамаларға қызығушылық танытып, белсенділік көрсетуі - қоғамдағы оң өзгерістердің айқын көрінісі. 
Аудан әкімі Ардақ Ибраимов сенбілік жұмыстарының барысын арнайы аралап көріп, жауапты сала басшыларына санитарлық тазалықты тұрақты бақылауда ұстау, қоқысты уақытылы шығару, көгалдандыру және абаттандыру жұмыстарын жүйелі түрде жүргізу жөнінде нақты тапсырмалар берді. Сонымен қатар, аудан басшысы тазалық жұмыстарының тек сенбілікпен шектеліп қалмай, күнделікті тұрақты үрдіске айналуы қажет екенін атап өтті. Шара барысында аудан әкімі «Таза Қазақстан» республикалық экологиялық акциясына белсенді қатысып, аудан тазалығы мен көркейту жұмыстарына елеулі үлес қосқан мекеме қызметкерлері мен аудан тұрғындарын Алғыс хаттармен марапаттады. Бұл марапаттар қоршаған ортаны қорғау мен қоғамдық тазалықты сақтау ісіне жауапкершілікпен қарап жүрген азаматтарға көрсетілген құрмет болды. Өз сөзінде аудан әкімі Ардақ Ибраимов экологиялық мәдениетті қалыптастыру – баршаға ортақ міндет екенін ерекше атап өтті.
Мемлекет басшысының бастамасымен жүзеге асып жатқан «Таза Қазақстан» экологиялық акциясы бүгінде қоғамдағы маңызды бастамалардың біріне айналды. Бұл – қоршаған ортаны таза ұстауға, табиғатты аялауға және туған жерге жанашырлықпен қарауға үндейтін игі жоба. Тазалық – бір күндік науқан емес, ол – әр азаматтың күнделікті өмір салты мен мәдениетінің көрінісі. Әрбір тұрғын өз ауласының, өз көшесінің тазалығына жауапкершілікпен қараса, ауданымыздың көркі артып, қоршаған орта әлдеқайда таза әрі жайлы бола түседі. Ауданымызды көгалдандыру, абаттандыру және көркейту бағытындағы жұмыстар алдағы уақытта да жүйелі түрде жалғасады. Ортақ іске белсенді атсалысып жүрген барша азаматтарға шынайы алғысымды білдіремін, – деді А.Ибраимов. Айта кетейік, «Таза Қазақстан» экологиялық акциясы аясында аудан көлемінде санитарлық тазалық, абаттандыру және көгалдандыру бағытындағы жұмыстар тұрақты түрде жүргізілуде. Атап айтқанда, көшеттер отырғызу, саябақтар мен гүлзарларды күтіп-баптау, арық жүйелерін тазалау, заңсыз күл-қоқыс орындарын жою, тұрғындар арасында экологиялық мәдениетті насихаттау бағытында түрлі іс-шаралар ұйымдастырылуда. Бүгінде аудан тұрғындары қоршаған ортаны таза ұстаудың маңызын терең түсініп, экологиялық акцияларға белсенді қатысуда. Бұл жұмыстар ауданның санитарлық жағдайын жақсартып қана қоймай, тұрғындардың табиғатқа деген жанашырлық көзқарасын қалыптастыруға да оң әсерін тигізіп отыр. Туған жердің тазалығы мен көркеюіне үлес қосу – әр азаматтың парызы екені кеңінен насихатталуда.
Сонымен қатар, аудан аумағында көпқабатты тұрғын үйлердің аулаларын ретке келтіру, балалар ойын алаңдарын жаңарту, көшелерді жарықтандыру, жасыл аймақтарды көбейту жұмыстары да кезең-кезеңімен жүзеге асырылып келеді. Бұл жұмыстар аудан тұрғындарының өмір сүру сапасын арттырып, елді мекендердің сәулеттік келбетін жақсартуға бағытталған. Экологиялық акция аясындағы жұмыстар алдағы уақытта да жалғасып, ауданның барлық аумақтарында тазалық пен тәртіпті сақтау басты назарда болмақ. Тұрғындардың қоршаған ортаға деген жауапкершілігін арттыру, табиғатты қорғау мәдениетін қалыптастыру және туған жерге жанашырлықпен қарау бағытындағы жұмыстар жүйелі түрде жалғасын табады. «Таза Қазақстан» акциясы – ел аумағындағы тазалықты сақтауға ғана емес, қоғамда экологиялық сана мен мәдениетті қалыптастыруға бағытталған маңызды бастама. Осындай игі істер арқылы аудан тұрғындары туған жердің гүлденуіне, табиғаттың тазалығын сақтауға және келешек ұрпаққа таза қоршаған орта қалдыруға өз үлестерін қосуда.
Жалағаш ауданы әкімінің баспасөз қызметі.
