ҚАЗАЛЫ АУДАНЫНЫҢ ӘКІМІ ҚҰРЫЛТАЙ САЙЛАУЫНДА ДАУЫС БЕРДІ

23 тамыз 2026, 12:09

1 505

Бүгін аудан әкімі Алмасбек Есмаханов Әйтеке би кентіндегі Оқушылар үйінде орналасқан №56 сайлау учаскесіне барып, Қазақстан Республикасы Құрылтайы депутаттарының сайлауында өз таңдауын жасады.

- Мемлекет басшысы Қасым-Жомарт Кемелұлы Тоқаев Құрылтай сайлауы қарсаңындағы үндеуінде бұл сайлаудың ел дамуының жаңа кезеңіне жол ашатын маңызды қадам екенін атап өтті. Еліміздің тарихындағы маңызды кезеңде әр азаматтың таңдауы айрықша мәнге ие. Құрылтай сайлауы – ел болашағын айқындайтын маңызды саяси науқан. Сондықтан әрбір азаматтың өз таңдауын жасап, азаматтық белсенділігін танытуы маңызды деп есептеймін, - деді аудан әкімі.

Бүгінде Қазалы ауданындағы сайлау учаскелерінде дауыс беру үдерісі штаттық режимде өтіп жатыр. Тұрғындар ел болашағына бейжай қарамай, өз азаматтық ұстанымдарын танытып, белсенділікпен дауыс беруде.

Қазалы ауданында таңғы сағат 7.00-де барлық 39 сайлау учаскесі өз жұмысын бастады. Аудан орталығы - Әйтеке би кентінде 14, Қазалы қаласында 3 және ауылдық округтерде 22 сайлау учаскесі жұмыс жасайды.

Ауданда Құрылтай сайлауына 47 515 дауыс беруші тіркелген.