Павлодар облысында туысын өлтірген көпбалалы ана қамаудан босатылды

Павлодар облысында туысын өлтірген әйелдің жазасы жеңілдетілді.

Үкім Павлодар облыстық сотта жариялады.

Сот үкім шығарған кезде сотталушының алты баласы бар, олардың үлкені 11 жаста, кіші қызы өткен жылдың желтоқсан айында дүниеге келгені себебінен үкімді азайтқан.

Одан бөлек, әйелдің тұрғылықты жері бойынша оң сипатталғанын, жәбірленушіге қылмыс жасағаннан кейін бірден көмек көрсеткенін ескерді. 

Марқұмның анасы сот үкімін қатал деп санайды.

"Мен ұлымды ғана емес, келінімді де жоғалттым. Ол кінәлі емес, ұлым кінәлі. Алты немере жетім қалды. Келін үйді, балаларды бақылап, бізге қамқор болды. Оны бас бостандығынан айырмауды сұраймын"- деді зейнеткер.
 Бас бостандығынан айырмау туралы өтінішхатқа ауылдастары 170 қол жинаған. Олар сотталушыны сабырлы және мейірімді әйел ретінде сипаттады. 

"Бәрі біздің көз алдымызда болды. Ол жиі ішетін, ұратын. Мен әжемнен неге полиция шақырмайтыныңызды сұрағанымда ол "ұят болады" деп жауап беретін" - дейді Жаңа қала ауылының қоғам белсендісі Жауқасын Жұмағұлова.

Ауыл тұрғындары балалар әрдайым ұқыпты киінгенін, үлкендері жергілікті клубтағы үйірмелерге қатысқанын жеткізген.

Сотта сотталушының өзі егер оның қайтыс болғанын қаласа, жедел жәрдем бригадасын шақырмайтынын және оны өлтіретін ойы болмағанын мәлімдеді.

"Әйелге қауіпсіздігі орташа атқарушы жүйе мекемесінде жазасын өтей отырып, 5 жыл мерзімге бас бостандығынан айыру түріндегі жаза тағайындалсын. Бала 14 жасқа толғанға дейін жазаны өтеуді бес жылға кейінге қалдырылсын", - деп хабарлады облыстық соттың қылмыстық алқасының судьясы Теміртас Махватов.