Жазира Байырбекова құмар ойынға қатысты ойын айтты
2 525
Отандық эстрада жұлдызы Жазира Байыбрекова құмар ойынға қатысты ойын айтты. Ол лудомандар қателігін ешқашан мойындамайтынын да тілге тиек етті, - деп хабарлайды "Opennews.kz" ақпарат агенттігі.
Жазира Байырбекова әлі күнге дейін өзектілігін жоғалтпаған мәселені Instagram желісіндегі парақшасында көтерді.
"Негатив жазғым келмейді. Бірақ қаншама отбасы зардап шегіп отырған мәселе. Бірі айтса, бірі үнсіз басынан өткеріп жүр. Құмар ойын ойнау ауру ма, әдет пе білмеймін. Құмар ойын ойнайтын адамдардың белгілері қандай? Олар қоя ала ма? Мен білетін ондай адамдар (кімнің атында болса да) үй, көлік, жер – бәрін ойынға салған. Әлі де ерік берсең, сала бермек. Олар үнемі айналасына шағымданып жүреді. Оларға берген көмек суға ағып кеткендей болады. Олар қателігін мойындамайды. Аянышты көрінуге тырысады", - деп жазды әнші.
Өнер иесі мұны тек құмар ойынға тыйым салу арқылы тоқтатуға болатынын айтты. Байырбекова депутаттар аталған мәселені 2 жылдан бері шешуге күш салып жүргенін де жеткізді.
