Жұлдыз Әбдукәрімова балаларына өлім тілеген 2 әйелді сотқа берді
506
Жұлдыз Әбдукәрімова әлеуметтік желіде шектен шыққан үш адамның үстінен іс қозғатқанын айтты- деп хабарлайды Opennews.kz ақпарат агенттігі.
Актриса мәдениетсіздік танытатын азаматтарды ел алдына шығара бастады. Оның айтуынша, әлеуметтік желіде тәртіп орнатудың жалғыз жолы – осы. 
"Көлікте белбеу тағуды штрафпен үйреткендей, инстаграмда мәдениетті болуды осылай ел алдына шығарумен тоқтата алатын сияқтымыз", – деп жазды ол.
Әбдукәрімова жеке басына тіл тигізген ер адамды көрсетіп, үстінен арызданғанын мәлімдеді.
"Үндемеген сайын үдеп барады. Дәл осы жігітті және балаларыма өлім тілеген 2 әйелдің үстінен заңгерлерім іс қозғады. Әлеуметтік желіге де тәртіп керек.
Осындай өрімдей жастар үйіндегі әке-шешесінің абыройын ойлай ма екен?! Балам үйде, қылығы түзде деген. Бұл негативтің иесі туралы ақпарат әп сәтте жиналды. Енді әрі қарай іс қозғалмақ", – деп мәлімдеді актриса.
