Қызылордада «Жұмыс беруші күні» ұйымдастырылды

15 қарашасында республика көлеміндегі барлық техникалық және кәсіптік, орта білімнен кейінгі білім беру ұйымдарында бір мезгілде «Жұмыс беруші күні» аталып өтілуде,- деп хабарлайды Opennews.kz ақпарат агенттігі.

Осы орайда Қызылорда облысының білім басқармасының ұйымдастыруымен И.Әбдікәрімов атындағы Қызылорда аграрлық техникалық жоғары колледжінде «Жұмыс беруші күні» ұйымдастырылды.

Мақсаты - техникалық және кәсіптік, орта білімнен кейінгі білім беру ұйымдарында кадрларды даярлау сапасын арттыру және жұмыс берушілермен одан әрі тиімді өзара іс-қимыл жасау.

Тұжырымдама аясында жұмыс берушілер күні 3 бағыт бойынша жүргізілді.

Олар:

Академиялық дербестік шеңберінде жұмыс берушілермен өзара іс-әрекет;
 Дуалды оқыту жүйесіндегі жұмыс берушімен өзара әрекеттесу;
 Кәсіпорындардың колледждерге қамқорлығы шеңберінде жұмыс берушімен өзара іс-қимыл жасау.
Жұмысқа орналасудың, кәсіби құзыретті маман даярлаудың оңтайлы жолы – жұмыс беруші кәсіпорындармен, мекемелермен ынтымақтастық меморандумын жасау.
Осы орайда колледж директоры Бахытхан Әбдікәрімов пен «РЦКУ - Қызылорда» Қызылорда коммуналдық қызмет көрсетуді есептеу орталығы» жеке шаруашылық серіктестігінің директоры Асланбек Қалменов және «ҚазСушар» шаруашылық жүргізу құқығындағы республикалық мемлекеттік кәсіпорны Қызылорда филиалының директоры Роллан Ахметов арасында меморандумға қол қойылды. 

Сонымен қатар тағыда 6 мекемемен оқу орындары арасында меморандум жасалды.

Іс-шара нәтижесінде Қазақстан Республикасы Оқу-ағарту министрлігінің Алғыс хатымен 8 мекеме өкілі, облыс әкімдігінің Алғысымен-11 мекеме өкілі, Қызылорда облысы кәсіпкерлер палатасы марапатымен -10 мекеме өкілі,колледж директорының марапатымен 7 мекеме өкілі марапатталды.