Қызылордалық тұрғын үй аламын деп 17 млн теңгесінен айырылды
288
Қызылордада арзан бағамен үй алып беремін деп танысының 17 млн теңгесін қалтасына басқан әйел ұсталды, деп хабарлайды Opennews.kz ақпарат агенттігі.Күдікті әйел Қызылорда қаласында арзан бағамен үй алып беремін деп танысын алдаған. 48-жастағы әйел 2020 жылдың маусым және тамыз айларында жәбірленушіге Қызылорда және Алматы қаласынан үй алып беремін деп сеніміне кіріген.
Осылайша алаяқтық жолмен 17 млн теңге көлемінде ақша қаражатын иемденіп алған. Аталған дерек бойынша ҚР Қылмыстық кодексінің 190-бабының 4-бөлігімен (Алаяқтық) сотқа дейінгі тергеп-тексеру әрекеттері жүргізілуде. Күдікті азаматша Қызылорда қалалық полиция басқармасының уақытша ұстау изоляторына қамауға алынды, - деп мәлімдеді Қызылорда облыстық полиция департаменті.
