Үкімет шілде айындағы демалыс күндерге өзгеріс енгізді
125
Қазақстандықтар шілде айында қатарынан төрт күн демалмақ, -деп хабарлайды "Opennews.kz" ақпарат агенттігі.
"ҚР үкіметі Елорда күніне орай демалыс күнін ауыстыру туралы Қаулы қабылдады. Қаулы бойынша жұмыс уақытын ұтымды пайдалану мақсатында 2023 жылғы 1 шілде, сенбідегі демалыс күні 7 шілдеге, жұма күніне ауыстырылды", - делінген хабарламада.
Осылайша, бес күн жұмыс істейтін қазақстандықтар 2023 жылы Астана күніне орай 6, 7, 8 және 9 шілдеде, яғни төрт күн қатарынан демалады. Сенбі 1 шілде жұмыс күні болады.
Демалыс күнін ауыстыру жұмыс істейтін қазақстандықтар үшін мереке күндері уақытын алдын ала жоспарлауға мүмкіндік береді.
