Мемлекеттік балабақша 32,1 млн теңгеге принтер сатып алмақ болған
Маңғыстауда мемлекеттік балабақшалардың бірі бір принтерді 10,7 млн-ға сатып алмақ болған, - деп хабарлайды "Opennews.kz" ақпарат агенттігі.
Маңғыстау облысындағы балабақша мемлекеттік сатып алу порталында 32,1 млн теңгеге 3 дана принтер сатып алуды көздеген.
«Өңірде мемлекеттік сатып алуды тиімсіз жоспарлайтын мекемелер бар. Мысалы, Түпқараған аудандық білім бөліміне қарасты мемлекеттік балабақшалардың бірі 32,1 млн теңгеге 3 дана принтер сатып алуды жоспарлаған. Яғни принтердің бір данасын 10,7 млн теңгеден сатып алуды көздеген. Алайда жоғарыда көрсетілген тауардың нарықтағы құны – 100 мың теңге. Департамент берген ұсыным хаттың негізінде мемлекеттік сатып алу жоспары қайта қаралып, 31 млн теңге қаражат үнемделді», – деді сыбайлас жемқорлыққа қарсы қызмет департаменті басшысының бірінші орынбасары Біржан Хайруллин.
