Елімізде жастарға арналған екі жаңа ипотекалық бағдарлама іске қосылмақ

Жастарға аранлған жаңа ипотекалық бағдарлама Павлодар облысы мен Ақсу қаласының тұрғындары қатыса алады, - деп хабарлайды "Opennews.kz" ақпарат агенттігі Krisha.kz сайтына сілтеме жасап.

Жергілікті билік Отбасы банкпен келісім жасаған. Қажет қаражатты әкімдіктер мен банк бірге бөледі.

Қатысушыларға қойылатын талаптар:

Қарыз алушының жасы 35-тен аспау керек.

Соңғы 5 жылда меншігінде жылжымайтын мүлік болмауға тиіс.

Ресми жұмыс өтілі өтініш берген сәтте 6–12 ай (аймаққа байланысты) болуы қажет.

Ерлі-зайыптылардың біреуі ғана қатыса алады.

Жастар қызмет ететін салаға қатысты шектеулер бар.

Ипотека шарттары:

Пайыздық мөлшерлеме — жылына 5 %-тен (ЖТСМ — 5.2 %-тен) басталады.

Бастапқы жарна — 10 %.

Қарызға берілетін ең көп сома — 10 миллион теңгеден 20 миллион теңгеге дейін, көлемі өңірге байланысты. Егер таңдалған үй одан қымбат тұрса, қалған ақшаны қатысушы өз қалтасынан төлейді.

Кредит мерзімі — 19 жылға дейін.

Олардың мәліметінше, өтініш қабылдайтын күн мен нақты талаптар туралы мәліметті жергілікті әкімдіктер қосымша хабарлайды.