Өзін жастымын деп таныстырған ер адам 11 жасар қызға интимдік суреттерін жіберген
Павлодарда ер адам 11 жасар қызды кездесуге шақырмақ болған. Ол ойын іске асырмақ пиғылмен өзін 11 жастағы бала етіп көрсеткен, - деп хабарлайды "Opennews.kz" ақпарат агенттігі.
30 жастағы ер адам кішкентай қызға өзінің интимдік фотосуреттерін жіберіп, қыздан дәл солай жауап беруін сұрай бастаған. Жәбірленуші қыздың отбасы бұл оқиғаның көптің назарына іліккенін қалайды.
Қыздың анасы олардың хат алмасқанын көріп қояды. Арам пиғылды азаматты анықтау үшін әкесі онымен қызының атынан жазып, сөйлесе бастаған. Ер адам мектептің жанында кездесуге келісіп, ол жерде оны қыздың әкесі мен достары қолға түсірген. Олар азаматты полицияға тапсырады. Тексеру барысында күдіктінің қалтасынан пышақ табылған, ал оның телефонынан өзін-өзі қанағаттандырумен айналысқан сексуалдық бейнеролик анықталған.
Күдікті 17 қарашада ұсталған. Полиция оның үстінен "Кәмелетке толмағандарды зорлық-зомбылықсыз қорлау" бабы бойынша қылмыстық іс қозғады.
