18 жастағы такси жүргізушісі жоғалып кетті
1 538
Полицейлер Астана-Қарағанды бағытындағы жолда жоғалып кеткен 18 жастағы такси жүргізушісі Нұрсұлтан Жәнібекұлын іздестіруде, - деп хабарлайды "Opennews.kz" ақпарат агенттігі.
Бұл туралы patriotkaragandy Instagram-парақшасында жарияланды. Жігіт сұр Chevrolet Cobalt көлігімен жеткізу қызметін атқарады. 9 желтоқсанда ол Астанадан Қарағандыға тапсырыс алған. Куәгерлердің айтуынша, ол кейін Қарағандыдан Алматыға кеткен. Осыдан кейін ол байланысқа шықпай қалды.
Полицейлер Нұрсұлтан Жәнібекұлын көрген азаматтардан Астана қаласы Байқоңыр аудандық ішкі істер басқармасының криминалдық полиция бөліміне 8 (7172) 71-60-87, 8 (7172) 20-23-29, 8 (775) 217 80 98 телефондарына хабарласуын сұрайды.
