Ер адам отбасылық жанжалдан кейін өзін өртеп жіберді
1 528
Атырау облысында ер адам отбасылық жанжалдан соң үстіне бензин құйып, өзін өртеген, - деп хабарлайды "Opennews.kz" ақпарат агенттігі.
Мақат ауданының Доссор кентінде орын алып, видео әлеуметтік желілерде тараған. Кадрлардан куәгерлер ер адамға қар лақтырып, отты сөндіруге тырысқанын байқауға болады. Оқиға орнына жедел жәрдем бригадасы келген.
“1961 жылы туған азамат Б-ның 70% денесін күйік шалған. Ол Атырау облыстық ауруханасына жеткізілді. Жәбірленуші ауыр жағдайда. Оған барлық қажет медицина көмегі көрсетіледі”, – делінген хабарламада.
Атырау облысы полиция департаментінің айтуынша, өзіне қол жұмсау әрекетінің себебі – отбасылық-тұрмыстық жанжал. Оқиғаның мән-жайы анықталып жатыр. Қазір ҚР Қылмыстық кодексінің 105-бабы ("суицидке дейін жеткізу") бойынша сотқа дейінгі тергеу басталды.
