Топтық төбелес мектеп оқушысының өлімімен аяқталды
1 850
Жылыой ауданы Құлсары қаласында жастар арасында өзара келіспеушілік болды. Жанжал соңы мектеп оқушысының өлімімен аяқталды,- деп хабарлайды "Opennews.kz "ақпарат агенттігі.
Оқиға қаланың сырт жағында болған. Қақтығыста жастардың арасында мектеп оқушылары да бар болып шықты. Жанжал кезінде М. Сатыбалдиев атындағы орта мектептің 2006 жылы туған, 11-сынып оқушысы пышақ жарақатынан ауруханаға жетпей қайтыс болған.
Жалпы бұдан бөлек 2006-2007 жылы туған екі бала түрлі дене жарақатын алған. Тағы бірнеше жарақат алғандар аудандық ауруханаға жеткізілді.
