Қызылордада 9-сынып оқушысы жүкті болып қалған
2 063
Жаңақорғанда мектеп оқушысы өгей әкесінен жүкті болып қалған, - деп хабарлайды «Opennews.kz» ақпарат агенттігі.
Қызылорда облысы Жаңақорған ауданы Шалқия ауылында 9-сынып оқушысы өгей әкесінен жүкті болып қалған. Қыздың жағдайын бірінші болып ұстаздары аңғарған. Анасының екінші жолдасы, яғни күдікті деп танылған азамат 58 жастағы өгей әкесі. Орын алған оқиға жергілікті әкімдік тарапынан расталды.
«Өкінішке орай, жоғарыда аталған жағдай мамандардың анықтауымен расталды. Бүгінгі таңда мектеп оқушысы, анасы мен өгей әкесі арнайы тексеруден өту үшін облысқа жеткізілді. Кешеден бері күдіктімен аудандық құқық қорғау органының мамандары жұмыс істеп жатыр», - деп хабарлады Шалқия ауылы әкімінің аппараты.
Сондай-ақ, ауылдастарының айтуынша, күдікті ретінде аталған елді мекеннің тағы бір тұрғынына қатысты ДНК сараптамасы жүргізілген.
