Әкім орынбасары мен аппарат басшысы төбелесіп қалды

12 шілде 2024, 16:03

2 138

Ақмола облысы Шортанды ауданы әкімінің орынбасары мен аппарат басшысы арасында жанжал шығып, соңы төбелеске ұласты, - деп хабарлайды "Opennews.kz" ақпарат агенттігі.

2024 жылдың мамыр айында мемлекеттік қызметкерлер жұмыс орнындағы әкімдік ғимаратында ауызша жанжалдасып, соңында төбелес шығарған. Сарапшының қорытындысына сәйкес олар бір-бірінің денсаулығына жеңіл зиян келтірген.

"Сот шешімімен аудан әкімінің орынбасары және аппарат басшысы Әкімшілік құқық бұзушылық туралы кодекстің 73-1-бабымен (Денсаулыққа қасақана жеңіл зиян келтіру) көзделген әкімшілік құқық бұзушылықты жасағаны үшін кінәлі деп танылды. Cонымен қатар әрқайсысына 55 380 теңге көлемінде айыппұл түріндегі әкімшілік жазалар қолданылды", – делінген хабарламада.

Сот қаулылары заңды күшіне енген жоқ.