Жедел жәрдем кей шақыртуға енді тәулік бойы бармауы мүмкін

Жедел жәрдем бригадалары енді төртінші санаттағы шақыртуларға тәулік бойы қызмет көрсетуді тоқтатуы мүмкін, - деп хабарлайды "Opennews.kz" ақпарат агенттігі.

«Ашық НҚА» порталында 24 қыркүйекте жарияланған құжат жобасына сәйкес, Денсаулық сақтау министрлігі төртінші санаттағы шақыруларға жұмыс күндері сағат 8:00-ден 18:00 аралығында барады. Ал сенбіде таңғы 8:00-ден 12:00-ге дейін қызмет көрсетеді.

Төртінші санатқа жіті немесе созылмалы аурудың асқынуынан туындаған пациенттің өмірі мен денсаулығына қауіп төндірмейтін жағдай жатады.

Денсаулық сақтау министрлігі қазіргі тариф жедел медициналық көмек бөлімшесінің барлық шығынын жаппайтынын мәлімдеді.

Жедел жәрдемнің шақытуға баратын уақытына да өзгеріс енгізіледі. Осылайша төртінші санаттағы шақыртуға мамандар қоңырау түскен сәттен бастап 120 минут ішінде баруы қажет.

Қаулы жобасы 8 қазанға дейін ашық талқылауға шығарылған.