ҚАЗАЛЫЛЫҚТАР ҰЛТТЫҚ МЕРЕКЕ РЕСПУБЛИКА КҮНІН АТАП ӨТТІ

Қазалы ауданында ұлттық мереке – Республика күніне орай салтанатты шара өтті, - деп хабарлайды "Opennews.kz" ақпарат агенттігі.

 Роза Бағланова атындағы аудандық мәдениет орталығында өткен шарада Қазақстан Республикасының Мемлекеттік Туы салтанатты түрде сахна төріне шығарылып, Қазақстан Республикасының Гимні орындалды.

Мұнан соң сахна төрінде аудан әкімі Мейрамбек Шермағанбет сөз алып, барша қазалылықтарды ұлттық мерекемен құттықтады.

Еліміз Тәуелсіздік алған соң даму жолында тапжылмай жылжуға мүмкіндік беретін маңызды жетістіктерге жетті. Президентіміздің, Үкіметтің қолдауымен Сыр өңірінде мақсатты бастамалар қолға алынып, ауқымды жобалар жүзеге асуда. Бұл жолда қол жеткізген үлкен жетістіктердің барлығында да Сыр елінің, оның ішінде қасиетті Қазалы ауданының қосқан үлесі зор деп білемін. 

Салтанатты шарада ауданымыздың әлеуметтік-экономикалық дамуы мен өсіп-өркендеуіне сүбелі үлес қосқан қазалылықтар марапат төрінен көрінді. 

Алдымен, аудандық көп бейінді орталық ауруханасы бас дәрігерінің орынбасары Бақытгүл Әлішева, аудандық аурухананың физиотерапевт дәрігері Зима Жұматай және аудандық тұрғын-үй коммуналдық шаруашылығы, жолаушылар көлігі және автомобиль жолдары бөлімі басшысының міндетін атқарушы Жасұлан Сыдықовқа Қызылорда облысының «Құрмет грамотасы» табысталды. Сондай-ақ медицина саласының ардагері Орақ Кеубасов пен білім саласының ардагерлері Рахат Наурызбайқызы мен Қуантқан Зейнелұлына «Қазалы ауданының Құрметті азаматы» атағы берілді. 

Мұнан кейін мерекеге орай бірқатар азаматтар облыс және аудан әкімдерінің «Алғыс хаттарымен» марапатталды.

Айта кетейік, мерекелік шара барысында мемлекеттік қызметке орналасқан жас мемлекеттік қызметшілер салтанатты түрде ант қабылдады.

Егемендігіміздің бастауы болған ұлттық мереке – Республика күніне орай ұйымдастырылған мерекелік кеште аудан өнерпаздары ән-күйден шашу шашып, көпшілікке мерекелік көңіл-күй сыйлады.

Қазалыда ұлттық мереке – Республика күніне арналған мерекелік салтанатты шара өтті. Роза Бағланова атындағы аудандық мәдениет орталығында өткен шарада Қазақстан Республикасының Мемлекеттік Туы салтанатты түрде сахна төріне шығарылып, Қазақстан Республикасының Гимні орындалды.

Мұнан соң аудан әкімі Мұхтар Оразбаев сөз алып, барша қазалылықтарды мерейлі мерекемен құттықтады.

– Республика күні – халқымыздың рухын көтеріп, елдігімізді нығайтатын, бірлігімізді бекемдеп, ынтымағымызды арттыратын айшықты мереке. Тарихтан белгілі, 1990 жылы 25 қазанда қазақ елі Егемендік декларациясын жариялап, мемлекеттің тәуелсіздігін айқындады. Бұл декларацияның қабылдануымен егемендігін мәлім ететін жеке территориясы, азаматтығы, мемлекеттік бюджеті, халықаралық қатынастардағы дербестігі бекітілді. Еліміз Тәуелсіздік алған соң даму жолында тапжылмай жылжуға мүмкіндік беретін маңызды жетістіктерге жетті. Бұл жолда қол жеткізген үлкен жетістіктердің барлығында да Сыр елінің, оның ішінде Қазалы ауданының қосқан үлесі зор деп білемін. Баршаңызды егемендігіміздің бастауы болған ұлттық мереке – Республика күнімен құттықтай отырып, зор денсаулық, отбасыларыңызға амандық, бақ-береке тілеймін, – деді Мұхтар Әуесұлы.

Салтанатты шарада ауданымыздың әлеуметтік-экономикалық дамуы мен өсіп-өркендеуіне сүбелі үлес қосқан қазалылықтар марапат төрінен көрінді. Алдымен, Қазақстан Республикасы Президентінің Жарлығына сәйкес бірқатар көпбалалы аналарға «Алтын алқа», «Күміс алқа» наградалары табысталды.

Мұнан соң, Қызылорда облысының және Қазалы ауданының Құрметті азаматы, «РЗА» акционерлік қоғамының президенті Самұрат Имандосов ҚР Премьер-министрінің «Алғыс хатымен» марапатталды. Сонымен қатар бірқатар азаматтарға Қызылорда облысы және аудан әкімінің «Алғыс хаты» тапсырылып, теміржол саласының ардагері Ерсайын Байқадам мен білім саласының ардагері Салима Нұрмұратқа Қазалы ауданының «Құрмет грамотасы» тапсырылды.

Егемендігіміздің бастауы болған ұлттық мереке – Республика күніне орай ұйымдастырылған мерекелік кеште аудан өнерпаздары ән-күйден шашу шашып, көпшілікке ерекше көңіл-күй сыйлады.