Қаз
Рус
АЭС-ті Семей полигонына салу ұсынылды
1 366
Сенат депутаты Андрей Лукин АЭС-ті Семей полигоны аймағына салуды ұсынды, - деп хабарлайды "Opennews.kz" ақпарат агенттігі.
Үкімет басшысына жолдаған сауалында Лукин атом электр станциясын Абай облысы Курчатов қаласында салуды ұсынды. Оның айтуынша, Семей ядролық полигон болған уақытта атом энергетикасы бойынша ғылыми орталықтар жұмыс істеген.
Бұл орталықтар әлі де қызмет атқаруда, тіпті қала бюджетінің тең жартысы осы ғылыми нысандардың салықтық түсімдерімен толығып отыр.
«Атом энергетикасын дамытуда Курчатов қаласының рөлі маңызды. Қала сейсмикалық тұрақты аймақта орналасқан, дамыған желілік инфрақұрылым бар және энергетикалық қуатты апаттық жағдайда резервке алу мүмкіндігі жоғары. Станциялар салуға ғылыми-техникалық қолдау көрсететін барлық жағдай жасалған. Сонымен қатар, радиоактивті қалдықтарды сақтауға қажетті ресурстар жеткілікті, су тапшылығы да болмайды», – деді депутат сауалында.
