Қармақшы ауданында үстел теннисінен сайыс өтті
1 352
Қармақшы ауданында ерекше спорттық шара – үстел теннисінен сайыс өтті, - деп хабарлайды "Opennews.kz" ақпарат агенттігі.
Бұл жарыс Қармақшы аудандық жұмыспен қамту және әлеуметтік бағдарламалар бөлімінің мемлекеттік тапсырысы аясында «Ораз ахун» қоғамдық қорының бастамасымен ұйымдастырылды.
Спорттық іс-шараның басты мақсаты – пробация қызметінің есебінде тұрған азаматтарды қоғамға бейімдеу және салауатты өмір салтын насихаттау.
Шараға 20 сотталған қатысты.
Жарысқа қатысушылар спорттық шеберліктерін көрсетіп, белсенділік танытты. Жарыс қорытындысы бойынша жеңімпаздар мен жүлдегерлер анықталып, оларға арнайы дипломдар мен бағалы сыйлықтар табысталды.
Мен үшін бүгін ерекше күн болды. Үстел теннисінен өткен жарысқа қатысып, жеңімпаз атандым.Бұл жеңіс маған өзімді жеңуге, шыдамдылық пен табандылықты арттыруға және өмірге деген көзқарасымды өзгертуге көмектесуде. Пробация қызметі спорттық жарыстарды жиі өткізеді. Барлық мәдени -спорттық шаралардан қалмауға тырысамын. Бүгінгі шара өте жақсы өтті. Ұйымдастырушыларға алғысым шексіз,-деді есептегі азамат.
