Жалған түбіртек берген тұрғын 7 жылға сотталды
1 367
"Айыппұлды төледім" деп жалған түбіртек берген астаналық 7 жылға сотталды, - деп хабарлайды "Opennews.kz" ақпарат агенттігі.
Астана қаласы прокуратурасының мәліметінше, сот үкімімен қала тұрғыны лауазымды тұлғаларға бірнеше рет пара бергені үшін 240,3 млн теңге көлемінде айыппұл жазасына сотталған.
Кінәлі тұлға 196 млн теңге мөлшерінде айыппұлды ішінара төлеу туралы сот орындаушысына түбіртектердің көшірмелерін табыстаған. Нұра ауданы прокуратурасының талдауы барысында бұл сома мемлекет кірісіне түспегені, ал айыппұлдың төленбегені анықталды. Берілген түбіртек жалған екені расталды, - делінген Астана қалалық прокуратурасының хабарламасында.
Аудан прокуратурасының нұсқауы бойынша сот орындаушысы айыппұлды бас бостандығынан айыруға ауыстыру жөнінде сотқа жүгініп, ұсыныс қанағаттандырылды.
Сотпен айыппұл жазасы 7 жылға бас бостандығынан айыру жазасына ауыстырылды, - делінген ақпаратта.
Сотпен айыппұл жазасы 7 жылға бас бостандығынан айыру жазасына ауыстырылды, - делінген ақпаратта.
Жалған түбіртектерді беру фактісі бойынша тексеру жүргізілуде.
