Балабақша тәрбиеленушілері астан уланды

Облыстық денсаулық сақтау басқармасының мәліметінше, дәрігердің көмегіне 37 адам жүгінген, - деп хабарлайды "Opennews.kz" ақпарат агенттігі.

Маңғыстау облысы Жаңаөзен қаласына қарасты Қызылсай ауылындағы балабақшада бүлдіршіндер жаппай уланып қалған.

Олар іш ауруына шағынып, жедел-жәрдем шақырған. Медициналық тексеруден кейін бір ересек пен 3 бала ауруханаға жатқызылған. Қалғандары амбулаторлық емге жіберілді. Ал балабақша жабылып, құзырлы органдар тексеру жұмыстарын бастаған.