Ер адам өрттен төрт бала мен қарт әйелді аман алып қалды

1 339

Фото: ШҚО ТЖДОқиға Зайсан ауданының Айнабұлақ ауылында Шайзаданов көшесіндегі жер үйде болған, - деп хабарлайды "Opennews.kz" ақпарат агенттігі.

Өрт шыққан кезде №25 өрт сөндіру бөлімінің қызметкерлері оқиға орнына жеткенге дейін, үй иелерінің көршісі Талғат Мүсірат батыл әрекет етіп, терезе арқылы үйге кіріп, 68 жастағы әжені және 1, 4, 5 және 7 жастағы төрт баланы қауіпсіз жерге шығарды. Осылайша, ол бес адамның өмірін құтқарып қалды. 

Өрт сөндірушілер келгеннен кейін 30 шаршы метр аумақтағы қызыл жалынды толықтай ауыздықтап, зардап шеккендер болмады. Алдын ала мәліметтер бойынша, өрт электр жабдықтарын монтаждау мен пайдалану кезіндегі қауіпсіздік талаптарының сақталмауынан шыққан.