Ескі вокзал аумағында жарылыс болды
1 614
Астанада вокзал аумағында жүк контейнері жарылды, - деп хабарлайды "Opennews.kz" ақпарат агенттігі.
Жарылыс бүгін түнгі 00:30-да шамасында болды. Ол ескі вокзал аумағындағы тұрғындарға сезілген. ҚТЖ бөлімшесі кезекшісінің мәліметінше, 12-ші сұрыптау жолында платформадағы контейнерде жарылыс болды.
«Астана станциясының сұрыптау жолында жүк контейнерінде жарылыс болды. Алдын ала мәлімет бойынша контейнердегі жүк – электр жабдықтары (трансформаторлар, генераторлар) болған. Қаза тапқандар мен зардап шеккендер жоқ», деп хабарлады «ҚТЖ» компаниясының баспасөз қызметі.
Контейнер жеке компанияға тиесілі болған. ТЖМ оқиға орнына құтқарушылар жеткенін, өрт болмағанын хабарлады.
«Оқиға нәтижесінде бір адамның қолына жарықшақ тиіп, қолын аздап кесіп алды. Жедел медициналық жәрдем бригадасы көмек көрсетті, ауруханаға жатқызудың қажеті болмады», - деп хабарлады ТЖМ.
