Әйел сәбиін үйінде босанып, мүрдесін қоқысқа тастаған
1 359
Өскеменде 44 жастағы әйел баланы өз үйінде медициналық жәрдемсіз босанған. Баланы өлі туған, - деп хабарлайды "Opennews.kz" ақпарат агенттігі.
Алдын ала мәлімет бойынша, қайғылы оқиға өткен жексенбіде болған. Әйел баласының өлі туғанын көріп, денесін қоқысқа тастапты. Әйел жүктілік бойынша есепте тұрмаған. Және бірде-бір рет дәрігерге қаралмаған. Кейін оны жедел жәрдем бригадасы ауруханаға жатқызды.
Шығыс Қазақстан облысының полициясы қылмыстық іс қозғалғанын хабарлады.
«Әйелдің жеке басы анықталды. Болған оқиғаның барлық мән-жайын анықтау үшін тергеу жүргізіліп жатыр», деп хабарлады ПД.
