«Қазақ газ өңдеу зауыты» ЖШС экс директоры ірі мөлшерде ақша жымқырғаны үшін 4 жылға сотталды
1 478
Бұл туралы Антикор мәлім етті. Мемлекет басшысының тапсырмасын орындау мақсатында Сыбайлас жемқорлыққа қарсы іс-қимыл агенттігі қоғамда заңдылық пен тәртіп қағидатын қамтамасыз ету, сондай-ақ сыбайлас жемқорлық фактілерінің жолын кесу жөніндегі жұмысты жалғастырып отыр.
«Қазақ газ өңдеу зауыты» ЖШС бұрынғы директоры Б. А. Байшуақовқа қатысты үкім шықты. Байшуақов кәсіпорынның сеніп тапсырылған мүлкін аукцион өткізбестен заңсыз сату және түскен қаражатты иемдену арқылы ірі мөлшерде жымқырғаны үшін кінәлі деп танылды.
«Ол 4 жылға бас бостандығынан айырылды және өмір бойы мемлекеттік қызметте және квазимемлекеттік сектор субъектілерінде қызмет атқару құқығынан айырылды. Сот актісі заңды күшіне енген жоқ.», — делінген хабарламада.
