Қазақстанда темекі бағасы көтерілмек
1 499
Қаржы министрлігі темекі өнімдеріне ең төмен бөлшек сауда бағаларын белгілеу туралы заңнамаға өзгеріс енгізу туралы бұйрық жобасын әзірледі, - деп хабарлайды "Opennews.kz" ақпарат агенттігі.
Онда темекі өнімдерінің барлық түрінің бағасын көтеру жоспарланған. Бұйрық жобасы"Ашық НҚА" порталында жарияланды. Баға өзгерісі фильтрлі, фильтрсіз темекілерге, папиростарға, сигараларға және қыздырылатын темекілерге әсер етпек.
"Ұсынылып отырған өзгеріс темекі өнімдеріне қатысты салықтық және баға саясатын жүзеге асыруға бағытталған. Ұсынылған түзетулерді іске асыру іске асыру Қазақстан Республикасында тұрақты негізде темекі мен темекі шегудің таралуы мен қолданылуын қысқартуға бағытталған денсаулық сақтау саласындағы мақсаттарға қол жеткізуді қамтамасыз етеді", – делінген құжатта.
Бұйрық жобасы 19 маусымға дейін қоғамдық талқылауға шығарылған.
