Стендаптан — изоляторға

Семейде стендап-комик пен ұйымдастырушы Әлібек Жұмабаев 5 тәулікке әкімшілік қамауға алу туралы қаулы шыққанымен, арнайы қабылдау изоляторында орын болмауына байланысты үйіне жіберілген,-деп хабарлайды Opennews.kz ақпарат агенттігі.

Оқиға 2025 жылғы 2 қарашада, шамамен сағат 21:00-де, Семей қаласындағы Момышұлы көшесі 31/33 мекенжайында орналасқан "Костер" мейрамханасында өткен стендап-концерт кезінде болған.

Комик Instagram парақшасында өзі туралы толтырылған хаттаманың суретін жариялаған. Құжатта Жұмабаевтың стендап-шоу барысында әдепсіз сөздер қолданғаны, сондай-ақ өз өнерінің бейнежазбасын әлеуметтік желіге жүктегені көрсетілген. Хаттамаға сәйкес, оның әрекеті ҚР ӘҚБтК-нің 434-бабы, 1-бөлігі бойынша "қоғамға құрметсіздік таныту" ретінде бағаланған.

 Оқиға әлеуметтік желіде қызу талқыланып, қолданушылар арасында әртүрлі пікір тудырды.