Дәмханада газ балоны жарылып, 4 адам зардап шекті

Қарағанды қаласында көшедегі дәмхана киоскісінде газ балоны жарылып, салдарынан төрт адам зардап шекті,- деп хабарлайды Оpennews.kz ақпарат агенттігі.

Оқиға 22- ші қаңтар күні Ермеков көшесінде болған. Қарағанды облыстық төтенше жағдайлар департаментінің мәліметінше, киоск ішінде тұрған көлемі 17 литрлік газ баллонындағы газ-ауа қоспасы жарылып, артынан өрт шыққан.

Төтенше жағдай салдарынан сауда нысанының ішкі және сыртқы қаптамасы, жиһаздары мен тұрмыстық техникасы зақымданды. Жалынның таралу аумағы шамамен 30 шаршы метрді құрады. Қауіптің ұлғаюына жол бермеу үшін көлемі 27 литр болатын тағы екі газ баллоны жедел түрде сыртқа шығарылған.

Денсаулық сақтау басқармасының ақпарынша, үш пациент жансақтау бөліміне жатқызылды. Олардың жағдайы ауыр деп бағалануда.