90 жастағы қазақстандық құрма жеймін деп өліп кете жаздаған

30 қаңтар 2026, 10:00

1 529

Петропавлда жедел жәрдем қызметкерлері құрманың сүйегіне қақалып қалған зейнеткерді құтқарып қалған,- деп хабарлайды Оpennews.kz ақпарат агенттігі.

“103 пультіне 90 жастағы әйелдің қақалып дем ала алмай қалғаны туралы шақырту келіп түсті. Дәрігерлер келгенге дейін қарт әйелдің беті көгере бастады, кейін жедел жәрдем орталығының мамандары оның прекома күйінде болғанын түсіндірді”, – деп мәлімдеді облыстық жедел медициналық көмек орталығы.

Алибек Түлеу, Екатерина Яшонкова және жүргізуші-парамедик Қайрат Сайбанов шақыруға екі минут ішінде жеткен. Науқас прекома күйде болып, дем алуға тырысқан. Оның тыныс жолдары бітелгендіктен өзі дем ала алмаған. Бригада дереу халықаралық ACLS стандарттары бойынша көмек көрсетуге кіріскен.

Фельдшерлер бірқатар медициналық шаралар жүргізіп, нәтижесінде әйелдің тыныс жолынан құрма сүйегін шығарып алған.

Дем алуы қалпына келген соң әйел қалалық аурухананың жансақтау бөліміне жатқызылған.