Қаз
Рус
Ер адам елді алдап миллиондарды қалтаға басқан
Астанада туристік компанияда жұмыс істеген 27 жастағы ер адамға қатысты алаяқтық фактісі бойынша сотқа дейінгі тергеу басталды,- деп хабарлайды Opennews.kz ақпарат агенттігі Sn.kz сайтына сілтеме жасап.
Өзін туристік компания қызметкері ретінде таныстырған ер адам қажылық сапарды ұйымдастыруды уәде етіп, азаматтардан миллиондаған теңге жинап алған, - делінген хабарламада.
Алайда берілген уәде орындалмай, жәбірленушілердің саны артып отыр. Алдын ала мәліметтерге сәйкес, күдікті азаматтар Мекке қаласына қажылық сапарын ұйымдастырамын деп уәде берген. Олар жолдама, виза рәсімдеу және әуе билеттерін қамтамасыз ету қызметтерін сылтау етіп, жәбірленушілерден алдын ала ақша алған. Алайда уәде етілген қызмет көрсетілмеген. Қазіргі уақытта 13 эпизод анықталған.
Келтірілген жалпы материалдық шығын көлемі 2,2 млн теңгені құрайды. Тергеу барысында жәбірленушілер саны артуы мүмкін. Аталған дерек бойынша сотқа дейінгі тергеу жүргізіліп жатыр. Күдіктінің өзге де осыған ұқсас қылмыстарға қатысы бар-жоғы анықталып жатыр, — деп хабарлады құзырлы органнан.
