Пойыз жол жөндеушіні қағып кетті

3 мамыр күні сағат 02:03 шамасында жол жөндеуші жұмысшыны пойыз қағып кеткен.- деп хабарлайды Opennews.kz ақпарат агенттігі Aqparat.tv сайтына сілтеме жасап.

Оқиға туралы бірден «Қарағанды-Сұрыптау» станциясындағы желілік полиция бөліміне хабар берілген. Оқиғаның мән-жайы мен себептерін анықтау үшін арнайы комиссия құрылып, оқиға орнына жедел түрде аттанды. Комиссия құрамында «ҚТЖ» ҰК» АҚ-ның қауіпсіздік және еңбекті қорғау мәселелеріне жетекшілік ететін бас инженері Рамазан Садырқұлов бар. Компания басшылығы бұл жағдайды ерекше бақылауға алғанын мәлімдеді.