Жануларды өлтіргендер 5 жылға сотталуы мүмкін
Мәжілістің жалпы отырысында депутат Еділ Жаңбыршин жануарларға қатыгездік көрсеткендерге қатысты жауапкершілікті күшейту мәселесі көтерілгенін мәлімдеді,-деп хабарлайды Opennews.kz ақпарат агенттігі Baq.kz сайтына сілтеме жасап.
Депутаттың айтуынша, бұл бастама Мемлекет басшысы Қасым-Жомарт Тоқаев жүктеген тапсырма аясында қолға алынған.
Депутаттар тағы бір үлкен мәселені ұсынып отыр. Өздеріңізге мәлім, Мемлекет басшысы Қасым-Жомарт Кемелұлы Тоқаев жануарларға қатыгездікпен қарау мәселесіне байланысты жауапкершілікті күшейту мәселесін қойған болатын. Бұдан басқа, осы жануарлардың иесіне де қатысты жауапкершілікті күшейту мәселесі айтылған. Себебі қазір қоғамда өте үлкен резонанс болып жатыр. Осыған орай заң аясында Қылмыстық кодекске және Әкімшілік құқықбұзушылық туралы кодекске өзгерістер енгізілді, – деді Жаңбыршин.
Жануарларды күтіп ұстау, қарау және иелерінің жауапкершілігін арттыруға қатысты баптарға арнайы түзетулер енгізіліп, айыппұл көлемі бірнеше есе ұлғайтылмақ.
Мәжіліс депутаты Қылмыстық кодекстің 316-бабына енгізілетін өзгерістерге тоқталды.
