Ер адам 13 жастағы қызды тұтқында ұстап, зорлады деген күдікке ілінген
Солтүстік Қазақстан облысында 13 жастағы қызды ауыл сыртына алып кеткен 40 жастағы ер адам ұсталған,- деп хабарлайды Оpennews.kz ақпарат агенттігі “Криминальный Казахстан” Telegram-арнасына сілтеме жасап.
Оқиға 1 шілдеде Айыртау ауданында болған.
Алдын ала мәлімет бойынша, кешкі сағат 18:00 шамасында 13 жастағы қыз дүкеннен шыққан. Сол кезде 40 жастағы ер адам оны мотоциклмен қыдыртып келемін деп алдап, ауыл сыртында алып кеткен. Кейін ол қызды тұтқында ұстап, жыныстық зорлық-зомбылық көрсеткен.
Оқушыны іздеу жұмыстары түні бойы жалғасқан. Тек таңғы сағат 05:00 шамасында қыз ауыл сыртынан табылған.
Қазір күдікті құқық қорғау органдары тарапынан ұсталған. Тергеу амалдары жүріп жатыр.
Жасалған қылмыстың ауырлығын ескерсек, ер адамға өмір бойына бас бостандығынан айыру жазасы тағайындалуы мүмкін.
