Маньяк-педофил деп танылған қазақстандық 25 жыл жазасын өтеп шығып тағы да әйелге шабуыл жасады

Солтүстік Қазақстан облысында ер адам кәмелеттік жасқа толмаған қызды зорлап, 25 жыл түрмеге отырған қылмыскер, бостандыққа шыққан соң тағы да әйел адамға шабуыл жасады, - деп  хабарлайды Opennews.kz ақпараттық агенттігі.

Іс материалдарына сәйкес, оқиға 2026 жылдың 19 маусымында болған. Ер адам жоғалған сиырды іздеп жүргенін айтып, велосипед айдап бара жатқан әйелді тоқтатқан. Содан кейін оны мойнынан ұстап, жерге құлатып, пышақпен қорқытқан. Кейін оған орманға бірге баруды талап еткен. Шабуылға кездейсоқ жолаушы кедергі келтіріп, әйел осы сәтті пайдаланып қашып үлгерді.

Сотталушының кінәсін жәбірленуші мен куәгерлердің айғақтары растады. Бұл ретте ер адамның өзі кінәсін мойындамады, ал оның қорғаушысы соттан оны тіпті ақтауды сұрады. Мемлекеттік айыптаушы сотталушыны тоғыз жылға бас бостандығынан айыруды сұрады. Сот оны кінәлі деп танып, ең жоғары қауіпсіздіктегі қылмыстық-атқару жүйесі мекемесінде тоғыз жылға бас бостандығынан айыру жазасын тағайындады.

Бұған дейін ер адам бұған дейін қарақшылық, зорлау және кәмелетке толмаған адамға қатысты сексуалдық сипаттағы зорлық-зомбылық әрекеттері үшін сотталған болатын. 1999 жылы ол 25 жылға бас бостандығынан айырылды. Ол жазасын толық өтегеннен кейін 2024 жылдың 12 қаңтарында бостандыққа шықты.

Жаңа үкім әлі заңды күшіне енген жоқ.