Студенттерден айына 14 300 теңге алып отырған жатахана коменданты екі жылға сотталды

Астанада жатахана коменданты студенттерден университет басшылығының тапсырмасы деп ай сайын 14 300 тг ден алып отырған, - деп хабарлайды Opennews.kz  ақпарат агенттігі.

Айыпталушы бес жыл бойы университет басшылығының тапсырмасы деген желеумен студенттер мен қызметкерлерден ай сайын 14 300 теңгеден ақша жинап, 3 млн теңге қаражатты өз қалтасына басқан. Алайда басшылық бұл тапсырманы жоққа шығарды. Сондай-ақ қызметтік компьютері арқылы құжаттарды қолдан жасап, 2024 жылғы 16 қыркүйек пен 2025 жылғы 13 ақпан аралығында жатақханада 57 шетелдікті тіркеп, әрқайсысы үшін 40 000 теңгеден алды.

Сотта азамат өз кінәсін мойындамады. Оған қарамастан, комендант екі жылға бас бостандығынан айырылды.