Жемқорлықпен сотталған азаматты жұмысқа алған елордалық шенеунік қызметінен кетті
360
Елордалық білім басқармасының бұрынғы директоры Шәкәрім Сейсенбай 5 жылға сотталған адамды жұмысқа алғаны үшін әкімшілік жауапкершілікке тартылып, артынан өз еркімен жұмыстан кетті- деп хабарлайды Opennews.kz ақпарат агенттігі Астана арнасына сілтеме жасап.
Бұл жайында Сыбайлас жемқорлыққа қарсы қызметтің телеграм-каналында айтылған.
Шәкәрім Сейсенбай балабақша меңгерушісі қызметіне соттылығы бар маманды жұмысқа алған. Жасаған қылмысы үшін бес жыл түрмеде отырып шыққан бұл жан туралы өзге деректерге рұқсат жоқ.
Құзырлы органдар басшының жағдайға қатысты мейірімділігі мен бейқамдығын еске отырып, жасаған әрекеті үшін 200 мың теңгеге жуық айыппұл салған. Кейін елорданың бас ұстазы кінәсін мойындап, өз еркімен жұмыстан кетуге шешім қабылдағанын жариялаған.
