Қызылордада жасөспірімді қаққан 32 жастағы жүргізуші оқиға орнынан қашып кетті
351
Қызылордада жаяу жүргіншілер жолында жасөспірімді қағып, жүргізуші оқиға орнынан қашып кеткен- деп хабарлайды Opennews.kz ақпарат агенттігі .Қызылорда қаласындағы С.Толыбеков және М. Әуезов көшелері қиылысында жаяу жүргіншілер өткелінде келе жатқан жасөспірімді автокөлік қағып, оқиға орнынан қашып кеткен.
Жасөспірім дене жарақатымен ауруханаға жатқызылды.
«Жол-көлік оқиғасы бойынша жедел іздестіру шаралары жүргізілді. Нәтижесінде күдікті автокөлік иесі анықталды. Бұған байланысты 32 жастағы қала тұрғынына қатысты ҚР Әкімшілік құқық бұзушылық туралы кодексінің 610-бабының 2-бөлігі және 611-бабының 2-бөлігімен әкімшілік құқық бұзушылық туралы хаттамалар толтырылды. Жасөспірімнің өмірі мен денсаулығына қауіп жоқ. Түпкілікті шешім қабылдау үшін жинақталған құжаттар сотқа жіберіледі», - деп мәлімдеді Қызылорда облыстық полиция департаментінен.
