Сақ қорғандарының үстінде мотожарыстар ұйымдастырылып келген
608
Талдықорған қаласы маңындағы «Қызылтас» саяжайының солтүстік-батыс жағында археологиялық ескерткіштер орналасқан. 2020 жылдың қазан айында Талдықорған қаласының солтүстік-батыс бөлігіне тас жол салынып, онда өтетін мотожарыстар Сақ қорғандарының сақталуына қауіп төндірді,- деп хабарлайды Opennews.kz ақпарат агенттігі Экспресс К сайтына сілтеме жасап.
Бұл туралы Facebook желісінің қолданушысы өзінің парақшасында жариялады.
Талдықорғанда болып жатқан сұмдық жағдай. Ата-бабаларымыз жерленген жерде, дәлірек айтқанда, сақ қорғандарының үстінде авто-мото жарыстар ұйымдастырып жүр. Биліктегілер, басқа бос жер қалмады ма,— деп жазды ол.
Осы мәселеге байланысты ЭК тілшілеріне жауапты мекеме өкілдері жауап берді.
2021 жылдың наурыз-маусым айларында "ҚазАрхеология" ЖШС осы аумақта орналасқан археологиялық қорғандарға апаттық ғылыми-зерттеу жұмыстарын жүргізді. Сондай-ақ "ҚазАрхеология" фирмасының қызметкерлері археологиялық жұмыстар жүргізу салдарынан бұзылған жерлерде қалпына келтіру жұмыстарын жүргізді, — деп мәлімдеді Алматы облысының тарихи-мәдени орталығы.
Қазіргі уақытта Талдықорғанның солтүстік, солтүстік-батыс аумағында орналасқан Қызылтас ескерткіштері мемлекет қорғауында. Облыстық тарихи-мәдени орталықтың мәліметінше, Қызылтас маңында орналасқан археологиялық ескерткіштерде мотоциклшілердің жарыстары ұйымдастырылмайды және жарыс өтуіне тыйым салынған. Сондай-ақ, ақпарат көздерінде жарияланған материалда жарыс жолдарының бұрынғы іздері екенін атап өтті.
