Мемлекеттен ақша ала беретін ұлттық компанияларды жабу керек: Депутат талап етті
455
Мәжілісмен Берік Дүйсенбинов Үкімет басшысына мемлекет ақшасын жымқырып отырған ірі компанияларды жабуды талап етіп, сауал жолдады,- деп хабарлайды Opennews.kz ақпарат агенттігі Stan.kz ақпарат агенттігіне сілтеме жасап.
Берік Дүйсенбинов квазикәсіпорындардың жарғылық капиталы мен шығындары мемлекеттік бюджеттің миллиардтаған сомасымен толықтырылатынын айтты. Алайда ол қаражаттың қайда кетіп жатқаны, офистік шығын, көліктер одан бөлек сыйақылары мен бонустары туралы ақпараттар белгісіз күйде. Депутат олардың табыстарын, және оны қалай пайдаланатынын да ешкімнің білмейтінін жеткізді.
Сондықтан жемқорлық пен мемлекет қаржысын қалтаға жымқыру дәл осы жерде көрініс табатынын түсіндірген мәжілісмен бірнеше компаниялардың аттарын атап шықты.
“Бәйтерек қоры "СК-Фармация" қоры, "Парасат" холдингі, СПК сияқты қаптаған РГП, АО және ТОО-дан аяқ алып жүру мүмкін емес",-деді Берік Дүйсенбиев.
