Тоқаев әкесі туралы фильм түсіруге тапсырма бермеген
611
Әлеуметтік желіде Президент Қасым-Жомарт Тоқаевтың әкесіне арналған “Кемел” (Әке тағдыры) атты фильм түсірілетіні туралы ақпарат тараған, - деп хабарлайды Opennews.kz ақпарат агенттігі Экспресс К сайтына сілтеме жасап.
Менің кітабымдағы оқиғалардың негізінде кино түсіргелі жатқанын оқыдым. Бұл туралы ешкімге ешқандай тапсырма берген жоқпын. Бермеймін де. Мұндайды қаламаймын,— деді Қасым-Жомарт Тоқаев.
Мемлекет басшысы өзі жазған "Әке туралы ой-толғау" кітабынан бас тартпайтынын, мазмұнды туынды деп есептейтінін айтты.
Себебі, жастарға да пайдалы дүние. Бұл — менің әке-шеше алдындағы перзенттік борышым,— деді Президент.
Әлеуметтік желіде Nar Media Group компаниясының Кемел Тоқаев туралы фильмге түсіруге кіріскені туралы ақпарат тараған.
