Президент пен Елбасының қызметін қамтамасыз етуге қанша бөлінетіні анықталды
313
Қаржы министрлігі "2022-2024 жылдарға арналған республикалық бюджет туралы" заңға өзгерістер енгізуді көздеп отыр,- деп хабарлайды Opennews.kz ақпарат агенттігі Экспресс К сайтына сілтеме жасап.
Құжатта мемлекет башсысы және басқа да органдардың жұмысын қамтамасыз етуге бөлінетін қаржының көлемі көрсетілген.
Президент әкімшілігінің жұмысына биыл 10,6 миллиард теңге қарастырылған. Ал мемлекет басшысының қызметін қамтамасыз етуге 8,1 миллиард теңге бөлінеді. Сонымен қатар премьер-министрдің қызметін қамтамасыз етуге 3,4 миллиард теңге жұмсалмақшы.
Одан бөлек, Тұңғыш Президент — Елбасының кеңсесіне де қаржы қарасылған. Кеңсе жұмысына 2,6 миллиард теңге бөлінсе, Елбасының қызметін қамтамасыз етудің өзіне 1,2 миллиард теңге жоспарланған. Бұл 2,5 миллион доллар. Тұңғыш Президент кітапханасының жұмысына бөлінетін 1,3 миллиард теңге тағы бар.
Сондай-ақ бірнеше министрлік пен Жоғары сот секілді өзге де мемлекеттік органдарға жұмсалатын шығындар көрсетілген. Құжаттың толық нұсқасын "Ашық НҚА" порталынан көруге болады. Қоғамдық талқылау 21 сәуірге дейін жалғасады.
