Қорғаныс министрлігі Жеңіс күніне орай әскери парад неге өтпейтінін түсіндірді

Қорғаныс министрлігі биыл бюджет қаржысын үнемдеу мақсатында Жеңіс күніне орай әскери парад өткізбейді,- деп хабарлайды Opennews.kz ақпарат агенттігі ведомствоның баспасөз қызметіне сілтеме жасап.

"2022 жылы Қазақстанда бюджет қаражатын үнемдеуге және басқа да міндеттерді шешу қажеттілігіне байланысты әскери парад өткізу жоспарланып отырған жоқ", - делінген хабарламада.

Атап айтқанда, министрлік Қазақстан Қарулы күштері бөлімшелерінің жауынгерлік әзірлігі мен ұтқырлығының қажетті деңгейін қолдауға, мемлекеттік және әскери нысандарды күзету мен қорғауды қамтамасыз ету жөніндегі тапсырмаларды орындауға басымдық беріп отыр.

Әскери парад өтпесе де, өңірлерде әскери-патриоттық іс-шаралар жоспарланған