"Болат Назарбаев иелік ететін "Алтын Орда" базарында бұзылмаған заң жоқ": Бозымбаев "Алтын Ордадағы" тексеріс туралы айтты
286
Алматы облысының әкімі Қанат Бозымбаев "Алтын Орда" базарындағы тексеріс кезінде санитарлық, экологиялық, құрылыс және көші-қон талаптардың бұзылғаны анықталғанын мәлімдеді, деп хабарлайды Opennews.kz ақпарат агенттігі Stan.kz ақпарат агенттігі.
"Алтын Орда" базары үш компанияға тиесілі. Екі жауапкершілігі шектеулі серіктестік пен бір жеке кәсіпкерлік. Олардың артында Болат Назарбаевтың отбасы тұр – ұлы және туыстары", - деді Қанат Бозымбаев.
Ол екі ай бұрын Қасым-Жомарт Тоқаев базарды тәртіпке келтіру туралы тапсырма бергенін айтып өтті.
"Өкінішке орай, біз базарға кіре алмадық. Себебі кәсіпорын шағын және орта кәсіптен тұрады. Ал қазір шағын және орта бизнесті тексеруге мораторий жарияланған. Біраз уақыт тұралап қалдық, бірақ кейін базардың шағын және орта кәсіп емес екенін дәлелдедік. Бас прокурор ауысты, жағдайды бағалап, нақты нұсқау берді", - деп қосты Бозымбаев.
Әзірге тексеріс нәтижесі жарияланған жоқ. Бұған қарамастан санитарлық, экоогиялық және құрылыс нормалары бұзылғаны анықталған.
"Мұнда бұзылмаған заң жоқ. Сонымен қатар көші-қон заң жобасы да", - деді әкім.
Жақында базар аумағынан елге заңсыз кірген 250 мигрант анықталды. Бозымбаев базарды тәртіпке келтірудің қиын екенін жасырмады. Өйткені қазір иесін рейдерлікпен шұғылданды деп айыптап, сотқа шағым түсірген.
